Bu həftə ölkəyə daha 500 000 doz peyvənd gətiriləcək

Bu həftə ölkəyə daha 500 000 doz peyvənd gətiriləcək
  • Clock-gray 19:11
  • calendar-gray 03 Fevral 2021

Bu həftə ölkəyə daha 500 000 doz peyvənd gətiriləcək.

Bu barədə APA-nın sorğusuna cavab olaraq Nazirlər Kabinetindən bildirilib. Qeyd olunub ki, daha sonra alınmış peyvəndlər mərhələlərlə qəbul olunacaq.

Qeyd edək ki, Azərbaycanda vaksinasiya prosesinə yanvarın 18-dən başlanılıb. “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na əsasən, ilkin mərhələdə səhiyyə işçiləri, 65 yaşdan yuxarı şəxslər, hüquq mühafizə orqanları tərəfindən əksepidemik tədbirlərə cəlb olunan heyətinin, ikinci mərhələdə isə tibbi yüksək riskli olanlar (tənəffüs sistemi, hemodializ, şəkərli diabet, piylənmə kimi xroniki xəstəlikləri olanlar), 50 yaş və daha yuxarı ən az bir xroniki xəstəliyi olan şəxslər, təhsil və sosial sektorda çalışanlar, sosial müəssisələrdə daimi yaşayanlar, ASAN Xidmət və DOST mərkəzləri, ictimai nəqliyyat sektorunun, telekommunikasiya operatorları və provayderlərinin və poçt sahəsində birbaşa əhali ilə təmasda olan işçilərin və bank sektorunun birbaşa əhali ilə təmasda olan hissəsi, yüksək riskli şəraitli işlərdə (cəmiyyətin fəaliyyəti üçün həyati vacib sahələrdə çalışan və əhəmiyyətli dərəcədə daha yüksək riskli sahələrdə çalışan – milli və regional təhlükəsizlik, ədliyyə, maliyyə və s.) şəxslər peyvənd olunacaqlar.

Vaksinasiyanın ikinci mərhələsinə fevralın 8-dən başlanılacaq.

Əsmər Qabil

Digər xəbərlər