Çin Xalq Respublikasından ölkəmizə gələn mütəxəssislərin Milli Hematologiya və Transfuziologiya Mərkəzində laboratoriya mütəxəssisləri ilə birlikdə videokonfransı təşkil edilib.
TƏBİB-dən APA-ya bildirilib ki, videokonfransda Bakı şəhərində və ölkəmizin digər regionlarında fəaliyyət göstərən laboratoriya mütəxəssisləri iştirak ediblər. Mütəxəssislər “COVID-19 laborator diaqnostikası” və “Konvalesent immun plazma tətbiqi” mövzuları ətrafında geniş müzakirələr və qarşılıqlı fikir mübadiləsi aparıblar.