“Demoqrafik təhlillər göstərir ki, doğulan uşaqların cins nisbəti (hər 100 qız uşağına düşən oğlan uşaqlarının sayı) bioloji normaya uyğun olaraq 105-107 təşkil edir. Azərbaycanda diri doğulanların cins strukturunda 1990-cı illərin əvvəllərindən oğlan uşaqlarının artımı müşahidə olunur və hazırda bu nisbət hər 100 qız uşağına 114 oğlan uşağıdır”.
APA-nın məlumatına görə, bu, Milli Məclisin sabah keçiriləcək iclasında ilk dəfə təqdim ediləcək “Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”nda əksini tapıb.
Sənəddə qeyd edilir ki, cins nisbətinin pozulmasına görə Azərbaycan dünyada ikinci yerdə qərarlaşıb: “Doğulanların cins nisbətinin pozulması ümumi əhalinin cins strukturunu da dəyişir. Əhalinin siyahıyaalınmalarının məlumatlarına əsasən, 1989-cu ildə hər 1000 kişiyə 1051 qadın, 1999-cu ildə 1048, 2019-cu ildə 1021 qadın düşüb.
Bu gün isə ölkədə hər 1000 kişiyə 1003 qadın düşür. Təəssüflər olsun ki, aparılmış sosioloji sorğuların nəticələrinə görə hələ də kişilərin 49,5%-i, qadınların isə 22,5%-i ailədə qız uşağının olmasını maddi yük kimi qəbul edir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
