Dövlət İmtahan Mərkəzi orta ixtisas təhsili müəssisələrinin xüsusi qabiliyyət tələb edən ixtisaslarına qəbul olmaq istəyən abituriyentlərə müraciət edib.
DİM-dən APA-ya verilən məlumata görə, Nazirlər Kabinetinin 2020-ci il 17 aprel tarixli 140 nömrəli Qərarı ilə təsdiq edilmiş “Orta ixtisas təhsili üzrə ixtisasların təsnifatı”na (təsnifatla bu linkdə tanış olmaq mümkündür) əsasən Dövlət İmtahan Mərkəzi 2021/2022-ci tədris ili üçün orta ixtisas təhsili müəssisələrinə aşağıdakı xüsusi qabiliyyət tələb edən ixtisaslar üzrə qabiliyyət imtahanları keçirəcək:
Fiziki tərbiyə müəllimliyi;
Rəqs müəllimliyi;
Aktyor sənəti;
Aşıq sənəti;
Bədii yaradıcılıq işi;
Dekorativ tətbiqi sənət (sahələr üzrə);
Dizayn (sahələr üzrə);
Heykəltaraşlıq;
Xoreoqrafiya sənəti (sahələr üzrə);
İnstrumental ifaçılıq (alətlər üzrə);
Kinooperator sənəti;
Populyar musiqi və caz ifaçılığı (sahələr üzrə);
Rəngkarlıq (sahələr üzrə);
Teatr dekor sənəti;
Vokal sənəti (sahələr üzrə).
Xüsusi qabiliyyət tələb edən ixtisaslar üzrə qəbul proqramları “Xüsusi qabiliyyət imtahanları” jurnalının 2-ci sayında dərc olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
