Daha bir qazi yüksək texnologiyalı protezlə təmin ediləcək

Daha bir qazi yüksək texnologiyalı protezlə təmin ediləcək
  • Clock-gray 10:49
  • calendar-gray 12 Yanvar 2021

Əmək və Əhalinin Sosial Müdafiəsi Nazirliyi tərəfindən Zəfərimizin qəhrəmanlarından biri olan, Vətən müharibəsində ağır yaralanaraq sol ayağını itirmiş Abbas Mədəd oğlu Yusifovun da yüksək texnologiyalı protezlə təmin edilməsi üçün işlərə başlanıb.

Nazirlikdən APA-ya bildirilib ki, ƏƏSMN-nin tabeliyindəki Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat və Reabilitasiya Mərkəzində qazimizin ilkin müayinəsi aparılıb. Ona protezləşməyə hazırlanması üçün lazımi təlimatlar verilib. 

7-10 gün ərzində protezləşməyə tam hazır olandan sonra A.Yusifovdan ölçülər götürülərək yüksək texnologiyalı protezlə təmin ediləcək.

Qeyd edək ki, Prezident İlham Əliyevin Sərəncamı ilə Yusifov Abbas Mədəd oğlu  3-cü dərəcəli “Vətənə xidmətə görə” ordeni ilə təltif olunub.

Əsmər Qabil

Digər xəbərlər