“Azərbaycan Respublikasının Dövlət Statistika Komitəsi ilə Niderlandın Mərkəzi Statistika Bürosu arasında statistika sahəsində əməkdaşlıq haqqında Anlaşma Memorandumu”nun imzalanması mərasimi olub.
APA-nın məlumatına görə, Anlaşma Memorandumunu Dövlət Statistika Komitəsinin sədri Tahir Budaqov və Niderland Mərkəzi Statistika Bürosunun Baş direktoru Tjark-Tsin-A-Tsoi imzalayıblar.
Tahir Budaqov bildirib ki, Niderland Mərkəzi Statistika Bürosu hazırda ən qabaqcıl statistika qurumlarından biridir: "Anlaşma Memorandumu çərçivəsində statistik metodologiyaların, təsnifatların tətbiqi ilə bağlı qarşılıqlı səfərlər, Azərbaycanda statistikanın müxtəlif sahələrinin təkmilləşdirilməsi istiqamətində işlər nəzərdə tutulur".