Dövlət və bələdiyyə orqanının məcburi köçkünlərə kirayə verdikləri yaşayış sahələri ilə bağlı tələblər dəyişib

Dövlət və bələdiyyə orqanının məcburi köçkünlərə kirayə verdikləri yaşayış sahələri ilə bağlı tələblər dəyişib
  • Clock-gray 22:51
  • calendar-gray 07 Sentyabr 2020

Səlahiyyətli dövlət və ya bələdiyyə orqanı kirayəyə verdiyi xüsusi təyinatlı yaşayış sahəsində müvafiq dövlət proqramları və ya tədbirlərinin icrası və yardım layihələri əsasında müvəqqəti məskunlaşdırılmış məcburi köçkünlərdən kommunal xidmətlərə görə haqqın vaxtında ödənilməsini tələb etmək hüququ olacaq.

APA-nın məlumatına görə, bu, Nazirlər Kabinetinin “Xüsusi təyinatlı yaşayış sahələrinin kirayə müqaviləsinin forması”nın təsdiq edilməsi barədə" qərarında etdiyi dəyişiklikdə əksini tapıb.

İndiyə qədər kirayə verən dövlət və ya bələdiyyə orqanının müvafiq dövlət proqramları və ya tədbirlərinin icrası və yardım layihələri əsasında müvəqqəti məskunlaşdırılmış məcburi köçkünlərdən həm yaşayış sahəsinə, şəm də kommunal xidmətlərə görə haqqın vaxtında ödənilməsini tələb etmək hüququ olmayıb. Bundan sonra isə xüsusi təyinatlı yaşayış sahəsini kirayəyə verən dövlət və ya bələdiyyə orqanı məcburi köçkünlərdən  kommunal xidmətlərə görə haqqın vaxtında ödənilməsini tələb edə biləcək, ancaq həmin məcburi köçkünlərdən yaşayış sahəsinə görə haqqın vaxtında ödənilməsini tələb etmək hüququ yenə olmayacaq.

Eyni zamanda indiyə qədər olduğu kimi bundan sonra da məcburi köçkünlərdən yaşayış sahəsinin saxlanması və təmirinə görə haqqın ödənilməsi də tələb oluna bilməz.

apa-logo-mini

Digər xəbərlər