ETSN nümayəndələri Nəqliyyatı İntellektual İdarəetmə Mərkəzinə tanışlıq səfəri edib

ETSN nümayəndələri Nəqliyyatı İntellektual İdarəetmə Mərkəzinə tanışlıq səfəri edib
  • Clock-gray 13:13
  • calendar-gray 16 Mart 2021

Bakı Nəqliyyat Agentliyinin Ekologiya və Təbii Sərvətlər Nazirliyi ilə birgə yaratdığı işçi qrup paytaxtda əlverişli ekoloji mühitin formalaşdırılması, nəqliyyat vasitələrindən atılan zərərli tullantıların miqdarının azaldılması məqsədilə birgə layihələrin və tədbirlərin hazırlanaraq icrasını təmin edəcək.

Bakı Nəqliyyat Agentliyindən APA-ya verilən xəbərə görə, işçi qrup çərçivəsində ETSN nümayəndələri Nəqliyyatı İntellektual İdarəetmə Mərkəzinə (NİİM) tanışlıq səfəri edib.

Nazirliyin təmsilçilərinə Mərkəzin fəaliyyət istiqamətləri, o cümlədən Coğrafi İnformasiya Sistemlərinin (CİS) idarə olunması ilə bağlı proqram təminatı-elektron xəritə və “Hava keyfiyyətinin indeksi” layihəsi haqqında məlumat verilib. Görüş iştirakçıları Nəqliyyatı İntellektual İdarəetmə Mərkəzinin iş prosesi ilə əyani tanış olublar. 

BMT-nin dayanıqlı inkişaf məqsədlərinin 11-ci bəndində ehtiva edilən “Şəhər və yaşayış məntəqələrinin açıqlığını, təhlükəsizliyini, davamlılığını və ekoloji dayanıqlılığını təmin etmək” üçün BNA öz töhfəsini verməkdədir. Bu baxımdan Bakıda əlverişli ekoloji mühiti formalaşdırmaq üçün BNA həm yerli, həm də xarici platformalarda fəal iştirak edərək ən qabaqcıl təcrübələri öyrənir və tətbiq edir.

apa-logo-mini

Digər xəbərlər