Gürcüstandan 218 Azərbaycan vətəndaşının təxliyəsi başa çatdırılıb - YENİLƏNİB

Gürcüstandan 218 Azərbaycan vətəndaşının təxliyəsi başa çatdırılıb - YENİLƏNİB
  • Clock-gray 15:26
  • calendar-gray 15 Yanvar 2021

COVID-19 pandemiyası səbəbi ilə Gürcüstanda qalan Azərbaycan vətəndaşlarının təxliyəsi başa çatdırılıb.

APA-nın yerli bürosunun xəbərinə görə, təxliyə edilənlərin “Sınıq Körpü” sərhəd-keçid məntəqəsindən Azərbaycanın Gürcüstandakı səfirliyinin məsul əməkdaşlarının müşayiəti ilə Azərbaycana keçməsi təmin olunub.

Ümumilikdə 218 Azərbaycan vətəndaşının təxliyə edildiyi bildirilib.

Təxliyə prosesinin növbəti həftə də həyata keçirilməsi planlaşdırılır.

***

saat 09:27

Gürcüstandan 250-yə yaxın Azərbaycan vətəndaşı təxliyə edilir.

APA-nın yerli bürosu xəbər verir ki, təxliyə olunanlar ötən gün Tbilisi, Marneuli və Batumidəki klinikalarda koronavirus testləri veriblər və onların hər birinin analizini cavabı neqativ olub. Təxliyy olunan vətəndaşlar hazırda Azərbaycan-Gürcüstan dövlət sərhədinin "Sınıq Körpü" gömrük keçid məntəqəsinə toplanırlar, burada onların səfirlik əməkdaşlarının müşayiəti ilə Azərbaycana keçmələri təmin edilir.

Azərbaycana təxliyə edilənlərin ölkə ərazisində karantinə alınmayacağı bildirilir.

Qeyd edək ki, Azərbaycanın Gürcüstandakı səfirliyi Gürcüstandan 2000 nəfərədək Azərbaycan vətəndaşının təxliyəsini həyata keçirib.

Səid Babazadə

Digər xəbərlər