Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı Gəncə şəhərində müharibədən zərər çəkmiş şəxslərlə görüşüb.
APA-nın yerli bürosunun məlumatına görə, Hande Harmancı bu ailələrə koronavirusla mübarizə üçün bir sıra tibbi ləvazimatlar gətirib, xəstəliklə mübarizə üsulları ilə bağlı fikirlərini bölüşüb.
Qeyd edək ki, oktyabr ayının 5-dən 27-dək Gəncə şəhəri erməni silahlı qüvvələri tərəfindən raket atəşinə məruz qalıb. Nəticədə, 60 ailə evsiz qalıb. Bu ailələr əsasən Azərbaycan Dövlət Aqrar Universitetinin yataqxanasında məskunlaşıb. Şəhərin bombalanması zamanı ümumilikdə 30-a yaxın mülkü şəxs həyatını itirib, 90 nəfər yaralanıb.