İcazələrdən istifadə qaydaları ilə bağlı "ASAN" Xidmət və “E-Təbib”in Çağrı Mərkəzləri fəaliyyət göstərəcək

İcazələrdən istifadə qaydaları ilə bağlı "ASAN" Xidmət və “E-Təbib”in Çağrı Mərkəzləri fəaliyyət göstərəcək
  • Clock-gray 15:56
  • calendar-gray 08 Dekabr 2020

SMS icazə sistemindən istifadə qaydaları və SMS göndərilməsi ilə bağlı yaranan çətinliklərlə əlaqədar Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmətin) 9108 Çağrı Mərkəzinə müraciət edə bilərlər.

APA-nın məlumatına görə, bu barədə Nazirlər Kabinetinin “Azərbaycan Respublikasında 2020-ci il dekabrın 14-dən xüsusi karantin rejiminin sərtləşdirilməsi haqqında” qərarında yer alıb.

Qərara əsasən, “E-Təbib” mobil tətbiqindən istifadə ilə bağlı yaranan çətinliklərlə əlaqədar isə 8113 Çağrı Mərkəzinə müraciət edilə bilər.

Qeyd olunub ki, bu Qərarla müəyyən edilmiş tələblərə riayət olunmasına nəzarət Azərbaycan Respublikasının Daxili İşlər Nazirliyi tərəfindən həyata keçirilir.

 

Əsmər Qabil

Digər xəbərlər