“İşsizlikdən sığorta haqqında” qanuna dəyişiklik edilib

“İşsizlikdən sığorta haqqında” qanuna dəyişiklik edilib
# 07 avqust 2020 11:44 (UTC +04:00)

Dövlət orqanının və ya hüquqi şəxsin ləğv edilməsi, işçilərin sayı və ya ştatların ixtisar edilməsi əsasında əmək müqaviləsinə xitam verilmiş şəxslər üçün sığorta stajı üç ildən bir ilədək azaldılıb.

APA-nın məlumatına görə, bu, Milli Məclisin bu gün keçirilən plenar iclasında üçüncü oxunuşda müzakirəyə çıxarılaraq qəbul edilən “İşsizlikdən sığorta haqqında” qanuna dəyişiklik edilməsi barədə qanuna dəyişiklikdə əksini tapıb.

Dəyişikliyə əsasən, işsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı bir il sığorta stajı olan əmək qabiliyyətli şəxslərə bu qanunda nəzərdə tutulan minimum sığorta ödənişi məbləğində pul ödənilir.

Qanuna əsasən, minimum sığorta ödənişi müvafiq icra hakimiyyəti orqanı tərəfindən müəyyən edilmiş minimum aylıq əməkhaqqı məbləğinə bərabər tutulur.

Dəyişiklikdə qeyd edilib ki, işsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı bir il sığorta stajı olan əmək qabiliyyətli şəxslərə həmin qanunda nəzərdə tutulan minimum sığorta ödənişi məbləğində vəsait ödəniləcək.

Sənəd işsiz şəxslərin sosial müdafiəsinin gücləndirilməsi və işsizlikdən sığorta sisteminin əhatə dairəsinin genişləndirilməsi məqsədilə hazırlanıb.

Qanunda 9 qanuna 20-yə yaxın dəyişiklik edilib.

#
#

ƏMƏLİYYAT İCRA OLUNUR