İyunun 22-dən DİM-in Bakı, Gəncə və Lənkəranda yerləşən inzibati binalarında vətəndaşların qəbulu dayandırılır

İyunun 22-dən DİM-in Bakı, Gəncə və Lənkəranda yerləşən inzibati binalarında vətəndaşların qəbulu dayandırılır
# 20 iyun 2020 10:13 (UTC +04:00)

2020-ci il iyunun 22-dən etibarən sərtləşdirilmiş karantin rejimi tətbiq olunan şəhərlərdə yerləşən DİM-in inzibati binalarında vətəndaşların qəbulu dayandırılır.

Dövlət İmtahan Mərkəzindən APA-ya verilən məlumata görə, Nazirlər Kabinetinin bəzi şəhər və rayonlarda sərtləşdirilmiş karantin rejimin tətbiq edilməsi ilə bağlı əlavə tədbirlər barədə 19 iyun 2020-ci il tarixli 208 nömrəli Qərarına uyğun olaraq 2020-ci il iyunun 22-dən etibarən DİM-in Bakı, Gəncə və Lənkəranda yerləşən inzibati binalarında vətəndaşların qəbulu dayandırılır.

DİM-in digər şəhər və rayonlarda yerləşən inzibati binalarında vətəndaşların qəbulu Mərkəzin internet saytı vasitəsilə yalnız əvvəlcədən onlayn növbə götürməklə qeyri-iş və imtahan günləri istisna olmaqla saat 09:30-dan 17:00-dək həyata keçirilir.

Bundan əlavə, vətəndaşların müraciətləri 1653 "Çağrı Mərkəzi" vasitəsilə cavablandırılır. Vətəndaşlar Mərkəzin [email protected] elektron poçt ünvanına da müraciətlərini yaza, həmçinin məlumat almaq üçün DİM-in saytı (dim.gov.az) və sosial şəbəkələrdəki (“Facebook”, “Instagram”, “Twitter” “Telegram”) hesablarını izləyə bilərlər.

#
#

ƏMƏLİYYAT İCRA OLUNUR