MM-də Ombudsmanın şəhid və qazi ailələrinin peyvənd olunmasını diqqətdə saxlaması təklif olunub

MM-də Ombudsmanın şəhid və qazi ailələrinin peyvənd olunmasını diqqətdə saxlaması təklif olunub
# 02 aprel 2021 12:39 (UTC +04:00)

“Dövlətin ali məqsədi vətəndaşlarımızın ləyaqətli həyat səviyyəsinin təşkilidir”.

APA-nın məlumatına görə, bunu Milli Məclisin bu gün keçirilən iclasında deputat Elman Nəsirov deyib.

Deputat təklif edib ki, bu məqsədin necə həyata keçirilməsinin qiymətləndirilməsi ilə bağlı ən önəmli vəzifə Ombudsman təsisatının üzərinə düşür: “2020-ci ilə biz iki prizmadan yanaşırıq. Koronavirusla bağlı məsələlər birinci plana keçib. İstənilən qurumun fəaliyyətinə qiymət verərkən bu prizma nəzərə alınmalıdır. Ən əsası 2020-ci il Azərbaycan tarixinə zəfər ili kimi daxil oldu”.

Deputat qeyd edib ki, demokratiya bir prosesdir, burada son nöqtə yoxdur: “Həmin prosesdə Azərbaycan inamla irəliləyir”.

Deputat təklif edib ki, Ombudsman vaksinasiya prosesi çərçivəsində şəhid ailələrinin, qazilərin, qazi ailələrinin növbədənkənar peyvənd olunmasını diqqətdə saxlasın.

#
#

ƏMƏLİYYAT İCRA OLUNUR