Milli Oftalmologiya Mərkəzində həkimin pasiyenti döyməsi ilə bağlı məlumatlara rəsmi münasibət bildirilib

Milli Oftalmologiya Mərkəzində həkimin pasiyenti döyməsi ilə bağlı məlumatlara rəsmi münasibət bildirilib
  • Clock-gray 11:38
  • calendar-gray 18 Yanvar 2020

Səhiyyə Nazirliyi Zərifə Əliyeva adına Milli Oftalmologiya Mərkəzində həkimin pasiyenti döyüb təhqir etməsi ilə bağlı sosial şəbəkələrdə yayılan məlumatlara münasibət bildirib.

APA-ya daxil olan açıqlamada qeyd olunub ki: "Həmin xəstə üç dəfə insult keçirib. Bu səbəbdən narkoz verilməyib və lokal keyitmə ilə əməliyyat həyata keçirilib. Əməliyyat edən həkim Emil Hüseynov deyir ki, əməliyyat zamanı xəstə başını sabit saxlamayıb. O da məcbur olub əməliyyat zamanı xəstənin çənəsindən tutub ki, prosesin gedişatı pozulmasın. Linza qoyan zaman xəstə başını tərpədəndə düz yerinə oturmur və bu, fəsadlar yarada bilər. Xəstə əməliyyatdan çıxanda hər kəsdən razılıq edərək gedib. Görünür, sonradan xəstəni kimsə öyrədib. Həkim necə xəstəni vura bilər? Hələ söyüş söymək, ümumiyyətlə, inandırıcı deyil. Qeyd edək ki, Bu həkim 2005-ci ildən bu günə qədər üç min pulsuz əməliyyat keçirib. Mərkəzin ən yaxşı həkimlərindən biridir.”

Günay Elşadqızı

Digər xəbərlər

Arxiv

date