Məktəb dərsliklərinin mövzuları üzrə onlayn sınaq imtahanları keçirilir

Məktəb dərsliklərinin mövzuları üzrə onlayn sınaq imtahanları keçirilir
  • Clock-gray 12:35
  • calendar-gray 11 Dekabr 2020

Məktəb dərsliklərinin mövzuları üzrə onlayn sınaq imtahanları keçirilir.

Dövlət İmtahan Mərkəzindən APA-ya bildirilib ki, şagirdlər, abituriyentlər otk.az portalında 5-11-ci sinif dərsliklərinin hər bir mövzusuna dair biliklərini sınaq imtahanlarında yoxlaya bilərlər.

Məlum olduğu kimi, Dövlət imtahan Mərkəzi tərəfindən otk.az portalı vasitəsilə müxtəlif növ onlayn sınaq imtahanları keçirilir.

İstifadəçilər portalda fənlər və siniflərin hər bir mövzusu üzrə sınaq imtahanları vermək imkanına da malikdirlər.

Bu onlayn test bankında ümumilikdə 28535 test tapşırığı toplanıb.

Abituriyentlər (şagirdlər) bütün fənlər üzrə 5-11-ci sinif dərsliklərinin (Azərbaycan dili və riyaziyyat fənni üzrə isə 4-11-ci siniflər) mündəricatında olan hər bir mövzu üzrə sınaq imtahanından (hər imtahanda 10 test tapşırığı olmaqla) və həmin sinif üzrə 5 qiymətləndirmə sınağından (hər imtahanda 20 test tapşırığı olmaqla) istifadə etməklə hazırlıq səviyyələrini yoxlaya bilərlər.

İmtahan fənlərinin materialları 1 il aktiv olur. Bu müddət ərzində abituriyent və şagirdlər tapşırıqlara, cavablara və tapşırıqların düzgün cavablarına baxa bilərlər.

Portalda qeydiyyat , ödəniş və imtahanlara yazılmaqla bağlı təlimatlarla otk.az portalında “Təlimatlar” bölməsində tanış olmaq olar. 

Əsmər Qabil

Digər xəbərlər