NRYTN hava şəraiti ilə bağlı gücləndirilmiş iş rejiminə keçib

NRYTN hava şəraiti ilə bağlı gücləndirilmiş iş rejiminə keçib
  • Clock-gray 21:21
  • calendar-gray 17 Fevral 2021

Nəqliyyat, Rabitə və Yüksək Texnologiyalar Nazirliyi və qurumları 17-19 fevral tarixlərində respublika ərazisində hava şəraitinin kəskin dəyişəcəyi ilə əlaqədar gücləndirilmiş iş rejiminə keçib. 

Nazirlikdən “APA-Economics”ə verilən məlumata görə, tabeli qurumlara xidmətlərin fasiləsizliyinin təmin edilməsi üçün əlavə zəruri tədbirlərin görülməsi ilə bağlı tapşırıq verilib. 

Bura məsul növbətçilər təşkil edilməklə nəqliyyat, telekommunikasiya xidmətlərinin, radio-televiziya yayımının fasiləsiz və keyfiyyətli təmin edilməsi, kabel və xətt zədələnmələrinin operativ aradan qaldırılması, poçt şöbələrində növbəli iş rejiminin təşkili üzrə müvafiq tədbirlərin görülməsi daxildir.

Hüseyn Vəliyev

Digər xəbərlər