Naftalan şəhər Dövlət Yanğından Mühafizə Hissəsinin əməkdaşları Vətən müharibəsi zamanı fəaliyyətlərinə görə mükafatlandırılıb

Naftalan şəhər Dövlət Yanğından Mühafizə Hissəsinin əməkdaşları Vətən müharibəsi zamanı fəaliyyətlərinə görə mükafatlandırılıb
  • Clock-gray 18:11
  • calendar-gray 29 Yanvar 2021

Vətən müharibəsi zamanı qəhrəmanlıq göstərərək öz xidməti vəzifələrini layiqincə yerinə yetirən yanğınsöndürənlərin fəaliyyətini qiymətləndirmək məqsədilə Fövqəladə Hallar Nazirliyi İşçilərinin Həmkarlar İttifaqı tərəfindən Dövlət Yanğından Mühafizə Xidmətinin əməkdaşları ilə görüşlər təşkil edilir.

Nazirlikdən APA-ya verilən məlumata görə, növbəti belə görüşlərdən biri FHN DYMX Naftalan şəhər Dövlət Yanğından Mühafizə hissəsində təşkil olunub. Tədbirdə çıxış edən FHN İşçilərinin Həmkarlar İttifaqının sədri Mehman İsmayılov Ermənistanın Azərbaycana qarşı ərazi iddialarından, həyata keçirdiyi işğalçılıq siyasətindən danışıb. Natiq Müzəffər Ali Baş Komandanın rəhbərliyi altında hər kəsin öz vəzifəsini layiqincə yerinə yetirmək üçün səfərbər olduğunu və nəticəsi olaraq rəşadətli Azərbaycan ordusu tərəfindən 44 gün ərzində düşmən tapdağı altında olan torpaqlarımızın azad edildiyini vurğulayıb.

M.İsmayılıov qeyd edib ki, Vətən müharibəsində FHN-in bütün strukturları digər qurumlar kimi Ali Baş Komandanın ətrafında sıx birləşərək qələbənin qazanılmasında öz töhfələrini veriblər. FHN-in digər strukturları kimi Dövlət Yanğından Mühafizə Xidmətinin əməkdaşları da müharibə dövründə əzmkarlıq nümayiş etdirib, düşmən tərəfindən ağır artilleriya qurğularından və raketlərdən atəşə məruz qalan yaşayış məntəqələrinin yanğından mühafizəsində rəşadət göstəriblər.

Bildirilib ki, müharibənin ilk günlərindən başlayaraq Naftalan şəhəri və ətraf yaşayış məntəqələri daim Ermənistan silahlı bölmələrinin artilleriya atəşinə məruz qalıb. Gücləndirilmiş iş rejimində çalışan Naftalan şəhər Dövlət Yanğından Mühafizə Hissəsinin əməkdaşları düşmənin atəşi nəticəsində baş verən yanğınların söndürülməsində əzmkarlıq göstəriblər. Yanğınları söndürərkən öz həyatlarını təhlükəyə atan yanğınsöndürənlərin bu şərəfli vəzifənin öhdəsindən layiqincə gəldikləri xüsusi vurğulanıb.

Görüş zamanı Naftalan şəhər Dövlət Yanğından Mühafizə Hissəsinin şəxsi heyəti FHN İşçilərinin Həmkarlar İttifaqı tərəfindən fəxri fərmanlar və hədiyyələrlə mükafatlandırılıb. 

apa-logo-mini

Digər xəbərlər