Peşə təhsili müəssisəsinin direktorunun təyin edilməsi Təhsil Nazirliyinin səlahiyyətləri sırasına daxil edilməyib

Peşə təhsili müəssisəsinin direktorunun təyin edilməsi Təhsil Nazirliyinin səlahiyyətləri sırasına daxil edilməyib
  • Clock-gray 21:23
  • calendar-gray 06 Avqust 2020

Nazirlər Kabineti “Xüsusi peşə təhsili müəssisələrinin Nümunəvi Nizamnaməsi”ndə dəyişiklik edib.

APA-nın məlumatına görə, peşə təhsili müəssisəsi ictimai əhəmiyyət daşıyan fəaliyyətlə məşğul olub, əmək bazarının tələbatına uyğun peşələr öyrədən, əlavə təhsil verən və ictimai-faydalı əməyə şüurlu münasibəti tərbiyə edən publik hüquqi şəxsdir.

Peşə təhsili müəssisəsi Nazirlər Kabineti ilə razılaşdırılmaqla, Təhsil Nazirliyi tərəfindən yaradılır.

Peşə təhsili müəssisəsi Təhsil Nazirliyinin tabeliyində qapalı tipli təlim-tərbiyə müəssisəsi kimi fəaliyyət göstərir.

Qüvvədə olan Nizamnaməyə əsasən, Təhsil Nazirliyinin səlahiyyətləri sırasına  peşə təhsili müəssisəsinin strukturunun təsdiqi, müəssisənin icra orqanlarının yaradılması, onların səlahiyyətlərinin müəyyənləşdirilməsi və səlahiyyətlərinə vaxtından əvvəl xitam verilməsi daxil olub. Dəyişikliyə əsasən, Təhsil Nazirliyi peşə təhsili müəssisəsinin idarəetmə orqanlarını yaradacaq, strukturunu, işçilərinin sayhəddini və əməkhaqlarını (o cümlədən, əməkhaqqına əlavələr, mükafatlar və digər ödənişlər) təsdiq edəcək.

Eyni zamanda Təhsil Nazirliyinin səlahiyyətləri sırasına peşə təhsili müəssisəsinin direktoru və direktor müavinlərinin təyin edilməsi istisna olmaqla, idarəetmə orqanlarının rəhbərlərinin (üzvlərinin) vəzifəyə təyin və vəzifədən azad edilməsi daxil edilib.

Firuzə Vahid

Digər xəbərlər