Qaçqın və məcburi köçkünlərlə bağlı qanunvericilikdə dəyişikliklər gözlənilir

Qaçqın və məcburi köçkünlərlə bağlı qanunvericilikdə dəyişikliklər gözlənilir
  • Clock-gray 12:41
  • calendar-gray 08 Yanvar 2021

“Qaçqın və məcburi köçkünlərlə bağlı qanunvericilikdə dəyişikliklər olması istisna deyil və bunun üçün artıq zərurət yaranıb”.

APA-nın məlumatına görə, Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov Yeni TV-yə deyib.

Sədr müavini bildirib ki, Prezident İlham Əliyev də birmənalı qeyd edib ki, Vətən müharibəsindən sonrakı mövcud vəziyyət yeni reallıqdır: “Hər biri qurum, hər bir insan, hər bir tərəf bu yeni reallıqlarla barışmalı, bütün sahələrdə bu reallıqlar nəzərə alınmalıdır. Hazırda qaçqınlar və məcburi köçkünlərlə bağlı iki qanun var: “Qaçqınların və məcburi köçkünlərin statusu haqqında” və “Məcburi köçkünlərin və onlara bərabər tutulan şəxslərin sosial müdafiəsi haqqında”. Bu qanunlar 21 il öncə qəbul edilib. Yeni reallıqlar çərçivəsində yeni qanunların qəbuluna ehtiyac var. Bununla bağlı hazırda təkliflər hazırlanır və iş gedir”.

Firuzə Vahid

Digər xəbərlər