Qar Ucarda elektrik təsərrüfatına ziyan vurub

Qar Ucarda elektrik təsərrüfatına ziyan vurub
  • Clock-gray 13:33
  • calendar-gray 12 Mart 2021

Ucara yağan qar fəsadlar törədib.

APA-nın yerli bürosunun xəbərinə görə, gecə saatlarından aran bölgəsinə yağmağa başlayan qar rayonun elektrik təsərrüfatına ziyan vurub. Rayonun bir neçə yaşayış məntəqəsinə elektrik enerjisinin verilişi dayandırılıb.  

"Mərkəzi Aran" Regional Enerji Təchizatı və Satışı İdarəsinin Ucar Elektrik Şəbəkəsindən APA-ya bildirilib ki, qar səbəbindən elektrik naqillərində qırılmalar baş verib. Nəticədə rayonun Qazyan, Qarabörk, Lək və Xalac kəndlərinə enerjinin təchizatı müvəqqəti olaraq dayandırılıb. Hazırda təmir briqadası yaranmış problemin aradan qaldırılması istiqamətində zəruri tədbirlər görür. Yaxın saatlarda problem yaranmış yaşayış məntəqələrinə elektrik enerjisinin verilişi bərpa olunacaq.

Zahid Abışov

Digər xəbərlər