Qarabağ bölgəsi üzrə Ekologiya və Təbii Sərvətlər idarəsi yaradılıb

Qarabağ bölgəsi üzrə Ekologiya və Təbii Sərvətlər idarəsi yaradılıb
  • Clock-gray 18:13
  • calendar-gray 25 Dekabr 2020

“Bir neçə gün əvvəl işğaldan azad edilən Füzuli, Cəbrayıl, Qubadlı, Zəngilan rayonlarında oldum. Ətraf mühit nöqteyi-nəzərindən çox acınacaqlı vəziyyətdir. Bizim gəzdiyimiz ərazilərdə demək olar ki, meşə ərazisi qalmayıb, nəinki meşə, heç ağac belə qalmayıb. Bir neçə kilometr yol getsəniz belə ancaq xarabalıqlar qalıb”.

APA-nın məlumatına görə, bunu Ekologiya və Təbii Sərvətlər Nazirliyinin rəsmi "facebook" səhifəsində "Ekspert saatı" adlı canlı yayımda Dövlət Ekoloji Təhlükəsizlik Xidmətinin rəisi Hikmət Əlizadə bildirib.

Onun sözlərinə görə, uzun illərdən bəri bütün ağaclar kəsilib, ya odun kimi istifadə olunub, içlik materiala yararlı ağaclar isə çox təəssüf ki, kəsilib və mebel sənayesi fabriklərinə daşınıb, satılıb: “O yerlərdə çox uzun müddətli işlərə ehtiyac var. İlk günlərdən etibarən Ekologiya və Təbii Sərvətlər Nazirliyi orada qiymətləndirmə işinə başlayıb. Bununla bağlı Qarabağ bölgəsini əhatə edən 12 saylı Ekologiya və Təbii Sərvətlər İdarəsi təsis edilib. Buna baxmayaraq, həm müvafiq qiymətləndirmə işləri gedir, həm də paralel olaraq mümkün olan ərazilərdə ağacların əkilməsi, (xüsusilə çinar ağaclarının, çünki o yerlər çinar ağaclarının məskəni idi), palıd toxumlarının səpilməsi prosesi demək olar ki, hər gün davamlı sürətdə gedir. Çox yaxın vaxtlarda daha ciddi, daha böyük miqyaslı işlər görüləcək”.

Günay Elşadqızı

Digər xəbərlər