“Sığorta ödənişinin verilməsi Qaydası”nda dəyişiklik olunub

“Sığorta ödənişinin verilməsi Qaydası”nda dəyişiklik olunub
  • Clock-gray 18:46
  • calendar-gray 09 Fevral 2021

“Sığorta ödənişinin verilməsi Qaydası”nda dəyişiklik olunub.

APA-nın məlumatına görə, baş nazir Əli Əsədov bununla bağlı “Sığorta ödənişinin verilməsi Qaydası”nda dəyişiklik edilməsi barədə qərar imzalayıb.

Nazirlər Kabinetindən qərara verilən izahda bildirilib ki, “İşsizlikdən sığorta haqqında” Azərbaycan Respublikasının Qanununa edilən dəyişikliyə əsasən dövlət orqanı və ya hüquqi şəxs ləğv edildikdə, işçilərin və ya dövlət qulluqçularının sayı və ya ştatları ixtisar olunduqda, əmək müqaviləsinin müddəti bitdikdə işsiz kimi qeydiyyata alınmış sığortaolunanlar işsizlikdən sığorta ödənişini almaq hüququna malikdirlər.

Buna əsasən “Sığorta ödənişinin verilməsi Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2017-ci il 29 dekabr tarixli 620 nömrəli Qərarında dəyişikliklər olunub.

Firuzə Vahid

Digər xəbərlər