Sosial həssas qrupdan olan 16 minə yaxın tələbənin ödənişi ali təhsil müəssisələrinə ödənilib

Sosial həssas qrupdan olan 16 minə yaxın tələbənin ödənişi ali təhsil müəssisələrinə ödənilib
  • Clock-gray 11:10
  • calendar-gray 29 Dekabr 2020

Pandemiya dövründə Nazirlər Kabineti tərəfindən “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” qərar qəbul edilib. Qərar 30 mindən artıq tələbəni əhatə edib.

Təhsil Nazirliyindən APA-ya verilən məlumata görə, qərarın icrası üçün dövlət büdcəsindən 40 milyon manat maliyyə vəsaiti ayrılıb.

Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi sistemi - http://e-telebe.edu.az portalı istifadəyə verilib. 2020-2021-ci tədris ili üçün təhsil haqqı xərclərinin dövlət tərəfindən ödənilməsi məqsədi ilə sosial həssas əhali qrupuna aid edilən 24 147 tələbə e-telebe.edu.az portalına müraciət edib. Onlardan 15 900 nəfərin ödənişi ali təhsil müəssisələrinə artıq ödənilib.

Günay Elşadqızı

Digər xəbərlər