"İndiyədək Azərbaycana COVID-19 əleyhinə 1 milyon 447 min 720 doza vaksin gətirilib".
Bunu APA-ya TƏBİB-in xəstəliklərin profilaktikası və kontrolu departamentinin rəhbəri Yaqut Qarayeva deyib.
Y. Qarayeva bildirib ki, aprel ayında ölkəyə daha 1 milyon 247 min doza vaksinin gətirilməsi gözlənilir: “Avqust ayına qədər isə 16 milyon 150 min doza vaksinin gətirilməsi gözlənilir. Bu o deməkdir ki, 18 yaşdan yuxarı şəxsləri vaksinlə təmin edə bilərik".
Y. Qarayevanın sözlərinə görə, vaksinlərin gətirilməsi Azərbaycandan asılı məsələ deyil: "Vaksinlər normal şəkildə gəlir. Bu gün Çindən 500 min doza vaksin almışıq. Ölkəmiz bütün istiqamətlərdə danışıqlar aparıb. GAVİ-dən “Pfizer”, “AstraZeneca” vaksinləri, Rusiyadan “Sputnik V” vaksinləri gətiriləcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
