TƏBİB-in sədri: “Reanimasiyalarda çarpayıların doluluq faizi yüksəkdir”

TƏBİB-in sədri: “Reanimasiyalarda çarpayıların doluluq faizi yüksəkdir”
# 05 avqust 2020 15:34 (UTC +04:00)

“Koronavirus xəstələri üçün ümumilikdə 10 minə yaxın çarpayı fondu var”.

APA-nın xəbərinə görə, bunu jurnalistlərə açıqlamasında TƏBİB-in İdarə Heyətinin sədri Ramin Bayramlı deyib.

O bildirib ki, qarşıdakı günlərdə bu rəqəm artacaq.

“Hazırda Bakıda çarpayıların doluluğu təxminən 30-35 faizə, regionlarda isə 20 faizə qədər enib. Amma reanimasiyalarda çarpayıların doluluq faizi yüksəkdir”, - deyə TƏBİB-in sədri vurğulayıb.

R. Bayramlı qeyd edib ki, xəstəliyin gedişatı barədə məlumatlar formalaşdıqca, xəstələri daha erkən evə yazmaq olur: “Məsələn, bəzi xəstəxanalarda bu, 7 günə qədər enib. Bəzilərində isə 8-10 gün davam edir”.

TƏBİB-in sədri əlavə edib ki, təcrübə artdıqca, bu günlərin sayını daha da aşağı salmaq mümkün olacaq.

#
#

ƏMƏLİYYAT İCRA OLUNUR