Təhsil naziri: "Məktəbdaxili qiymətləndirmənin azaldılmasının tərəfdarıyam"

Təhsil naziri: "Məktəbdaxili qiymətləndirmənin azaldılmasının tərəfdarıyam"
  • Clock-gray 17:06
  • calendar-gray 18 Mart 2021

“Məktəbdaxili qiymətləndirmə ilə bağlı cəmiyyət olaraq çox köklü və əsaslı müzakirələr aparmalıyıq”. 

APA-nın məlumatına görə, bunu Təhsil naziri Emin Əmrullayev “Facebook” səhifəsindəki canlı yayımda bildirib.

Onun sözlərinə görə, pilot qaydada iki məktəbdə qiymətləndirmə prosesinə başlanılıb: “Növbəti illərdən bu prosesin bütün məktəbləri əhatə etməsi planlaşdırılır. Qiymətləndirmənin iki mənası var, biri uşağa onu harada olmasını göstərmək və boşluqları müəyyən edib onu doldurmaq. Sonda uşağın gündəliyində 2, 3, 4, 5 yazılması deyil, onun bacarıqlarının düzgün qiymətləndirilməsi çox vacibdir. Valideynlər də məktəbdən bu tip tövsiyələr tələb etməlidir, nəinki 10 baldan 8 yığıb, yoxsa 9. Qiymətləndirmə ilə bağlı kifayət qədər mürəkkəb məsələlər var, amma ümumən düşünürəm ki, məktəbdaxili qiymətləndirmədə bir neçə istiqamət götürülməlidir. Mən məktəbdaxili qiymətləndirmənin azaldılmasının tərəfdarıyam. Amma bunu yenə də ictimai müzakirə etməliyik”. 

Nazir deyib ki, buraxılış imtahanlarının məzmunu da olduqca vacibdir: “İmtahanların  məzmunu bizi maraqlandıran məsələ olmalıdır. Biz imtahanlarla bağlı DİM-lə çox sıx işləyirik. Çalışırıq ki, təhsilin məzmunu ilə imtahanlar arasında uyğunluq olsun”.

Günay Elşadqızı

Digər xəbərlər