Türkiyədən idxal edilən ədviyyatlarda kif göbələyi aşkar edilib

Türkiyədən idxal edilən ədviyyatlarda kif göbələyi aşkar edilib
  • Clock-gray 11:05
  • calendar-gray 01 Aprel 2021

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində “Al Market” MMC tərəfindən Türkiyə Respublikasından ölkəmizə idxal edilən zirə və qara istiot məhsullarına Agentliyin müfəttişləri tərəfindən baxış keçirilib.

AQTA-dan APA-ya verilən məlumata görə, idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Müayinələr nəticəsində 420 kq zirə və 180 kq qara istiot məhsullarında kif göbələyi aşkar edilib.

Aşkar olunmuş faktla bağlı qanunvericiliyin tələblərinə uyğun müvafiq tədbirlər görülüb.

Günay Elşadqızı

Digər xəbərlər