ÜST Azərbaycanın münaqişədən zərər çəkmiş bölgələrində səhiyyə ilə bağlı ehtiyacları öyrənir

ÜST Azərbaycanın münaqişədən zərər çəkmiş bölgələrində səhiyyə ilə bağlı ehtiyacları öyrənir
# 09 dekabr 2020 18:42 (UTC +04:00)

Ümumdünya Səhiyyə Təşkilatının (ÜST) Səhiyyə ilə bağlı Ehtiyacların Qiymətləndirilməsi Missiyası son hərbi əməliyyatların mülki əhali üzərindəki təsirlərini öyrənmək üçün Azərbaycanın münaqişədən zərər çəkmiş bölgələrində işinə başlayıb.

ÜST-nın Ölkə ofisindən APA-ya verilən məlumata görə, missiya çərçivəsində nümayəndə heyəti yerli icra hakimiyyəti orqanlarını və səhiyyə müəssisələrini ziyarət edəcək, tibb işçiləri və digər şəxslərlə ÜST-nin lazımi dəstək göstərə biləcəyi sahələri müəyyənləşdirmək üçün müzakirələr aparacaq.

Beş günlük səfər çərçivəsində missiya üzvləri Bərdə, Tərtər, Ağdam və Gəncəni ziyarət edəcək, münaqişədən birbaşa zərər çəkmiş insanlara gigiyena dəstləri və tibbi maskalar paylayacaq.

Missiya ÜST-nın 7 nəfərlik yerli və xarici ekspertindən, Səhiyyə Nazirliyi və TƏBİB-in nümayəndələrindən ibarətdir.

#
#

ƏMƏLİYYAT İCRA OLUNUR