ÜST rəsmisi: "Azərbaycan hökuməti əlindən gələni edir ki, əhaliyə mümkün qədər çox vaksini əlçatan etsin"

ÜST rəsmisi: "Azərbaycan hökuməti əlindən gələni edir ki, əhaliyə mümkün qədər çox vaksini əlçatan etsin"
  • Clock-gray 20:14
  • calendar-gray 15 Fevral 2021

"Azərbaycan əlindən gələni edir ki, çox mürəkkəb bir mühütdə, eyni zamanda fərqli şəraitdə düzgün yol seçsin".

APA-nın məlumatına görə, bunu Beynəlxalq Münasibətlərin Təhlili Mərkəzinin təşkilatçılığı ilə keçirilən “COVID-19 pandemiyası və peyvəndləmənin geosiyasi aspektləri” adlı beynəlxalq vebinarda Ümumdünya Səhiyyə Təşkilatının(ÜST) Azərbaycan nümayəndəliyinin rəhbəri Hande Harmancı deyib.

O bildirib ki, pandemiya ilə mübarizəyə bütün dünyanı cəlb etməyə çalışırıq.

“Pandemiya dövründə əldə etdiklərimizdən çox böyük fəxr hiss edirəm. Asan bir mühit deyil. "COVAX" haqqında tənqidləri eşidirəm. Mən onlarla qismən  razılaşıram. Amma fərz  edin, "COVAX" yox idi. Bir neçə ay əvvəl mövcud deyildi. Hazırda "COVAX" var və biz bütün tərəfdaşlarla birlikdə onu yaxşılaşdırmalıyıq”.

Hande Harmancı qeyd edib ki, Azərbaycanda bu məsələ ilə əlaqədər milli stratejiya mövcuddur. Azərbaycan hökumti əlindən gələni edir ki, əhəliyə mümkün qədər çox vaksinləri əlçatan etsin. 

“Bu bir çox ölkə üçün çətin bir vəzifədir. Onu da deyə bilərik ki, artıq virusa yoluxmada azalmaözünü göstərir. Son 30 gün ərzində virusa yoluxmada azalmanı görürük”.

Sail Ağasəlim

Digər xəbərlər