Xaricdə doktorantura təhsili üzrə sənəd qəbulu davam edir

Xaricdə doktorantura təhsili üzrə sənəd qəbulu davam edir
  • Clock-gray 12:15
  • calendar-gray 27 Noyabr 2020

“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində nüfuzlu xarici ali təhsil müəssisələrində doktorantura səviyyəsi üzrə təhsil almaq istəyənlərin 2021-ci il yaz semestri üçün sənəd qəbulu davam edir. 

Təhsil Nazirliyindən APA-ya bildirilib ki, müraciətlər üçün son tarix 15 dekabr 2020-ci ildir.      

Proqram xaricdə doktorantura səviyyəsi üzrə təhsili üçün prioritet ixtisas istiqamətləri və ixtisasları üzrə doktoranturaya qəbul olmağa hazırlaşan və hazırda müvafiq sahələr üzrə doktorantura səviyyəsində təhsil alan namizədlər üçün nəzərdə tutulub. Proqram iştirakçılarının təhsilinin maliyyələşdirilməsi Dövlət Proqramının İdarəetmə Qrupu tərəfindən idarə olunur.      

Sənəd qəbuluna dair digər məlumat və şərtlərlə elan vasitəsilə tanış olmaq mümkündür. Əlavə suallar olduqda maraqlanan namizədlər e-poçt vasitəsilə [email protected] ünvanına müraciət edə bilərlər.

Əsmər Qabil

Digər xəbərlər