Xüsusi sərtləşdirilmiş karantin rejimi dövründə supermaketlər, bazarlar və apteklərin fəaliyyətinə icazə veriləcək

Xüsusi sərtləşdirilmiş karantin rejimi dövründə supermaketlər, bazarlar və apteklərin fəaliyyətinə icazə veriləcək
  • Clock-gray 16:07
  • calendar-gray 08 Dekabr 2020

Xüsusi sərtləşdirilmiş karantin rejimi dövründə ərzaq mağazaları (supermaketlər, bazarlar) və apteklərin fəaliyyətinə icazə veriləcək. 

APA-nın məlumatına görə, bu, Nazirlər Kabinetinin “Azərbaycan Respublikasında 2020-ci il dekabrın 14-dən xüsusi karantin rejiminin sərtləşdirilməsi haqqında” qərarında əksini tapıb. 

Qərara əsasən, Azərbaycan Respublikasının ərazisində müəyyən edilmiş xüsusi karantin rejimi dövründə yanacaqdoldurma məntəqələri, kimyəvi təmizləmə, avtomobillərin təmiri, avtomobil yuyulma məntəqələri və digər sahələrin fəaliyyətinə icazə veriləcək.

Qeyd edək ki, fəaliyyətinə icazə verilmiş özəl hüquqi şəxslərin əməkdaşları və hüquqi şəxs yaratmadan sahibkarlıq fəaliyyəti ilə məşğul olan fiziki şəxs və onun işçilərinin fəaliyyətinə məlumatlar işəgötürən tərəfindən gücləndirilmiş elektron imzadan istifadə edilməklə “icaze.e-gov.az” portalına daxil edildikdən sonra onların hərəkətinə yol veriləcək.

Firuzə Vahid

Digər xəbərlər