Yaxın vaxtlarda respublikanın şəhər-rayon polis idarələrində COVİD-19 əleyhinə vaksinasiyaya start veriləcək.
APA xəbər verir ki, bunu Daxili İşlər Nazirliyinin tibb idarəsinin şöbə rəisi Loğman Zeynalov deyib.
O qeyd edib ki, Azərbaycanda COVİD-19 xəstəliyi əleyhinə vaksinasiya prosesi davam edir: “Arif Heydərov adına tibb hospitalı və digər klinikalar zəruri avadanlıqlarla təchiz olunub. Vaksinasiyanı aparacaq tibb işçiləri təlimlərə cəlb edilib.
Qeyd edək ki, Bakıda polis əməkdaşları arasında vaksinasiya prosesinə 6 fevral tarixindən start verilib.