BDU əməkdaşlarının əməkhaqları artırılıb

BDU əməkdaşlarının əməkhaqları artırılıb
  • Clock-gray 11:23
  • calendar-gray 23 Oktyabr 2019

Bakı Dövlət Universitetinin (BDU) Elmi Şurasının növbəti iclası keçirilib.

BDU-nun mətbuat xidmətindən APA-ya verilən məlumata görə, iclasda rektor Elçin Babayev son illərdə ölkədə aparılan sosial layihələrdən, Prezident İlham Əliyevin əhalinin sosial rifahının yüksəldilməsi istiqamətində apardığı işlərdən danışıb, dövlət başçısı tərəfindən davamlı olaraq həyata keçirilən genişmiqyaslı tədbirlərin növbəti mərhələsi kimi dövlət büdcəsindən maliyyələşən müəssisələrdə minimum əməkhaqlarının əhəmiyyətli dərəcədə artırılmasını uğurlu sosial siyasətin göstəricisi kimi qiymətləndirib.

İclasda Azərbaycan dövlətinin sosial siyasətini rəhbər tutaraq əməkdaşların maddi rifah halının yaxşılaşdırılması və sosial müdafiəsinin daha da gücləndirilməsi məqsədilə BDU əməkdaşlarının, o cümlədən universitetin Qazax filialı kollektivinin əməkhaqlarının sentyabrın 1-dən hesablanmaqla orta hesabla 20 (iyirmi) faiz artırılması haqqında qərar qəbul edilib.

İclasda həmçinin “Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi barədə” Azərbaycan Respublikası Prezidentinin 2010-cu il 10 fevral tarixli Fərmanının 6-cı bəndinin icrasının təmin olunması məqsədilə Nazirlər Kabinetinin 2019-cu il 3 oktyabr tarixli Qərarına uyğun olaraq dövlət sifarişi əsasında ali təhsil müəssisələrində təhsil alan hər bir təhsilalana düşən təhsil xərclərinin artırılması ilə əlaqədar maliyyə imkanları nəzərə alınmaqla gələcəkdə də əməkhaqlarının davamlı olaraq artırılması məsələsinə baxılacaqı qeyd edilib.

Əcəmi Əsədulla

Digər xəbərlər

Arxiv

date