“Caspian Ecology” - 10-cu Yubiley Azərbaycan Beynəlxalq Ətraf Mühit Sərgisi keçirilir

“Caspian Ecology” - 10-cu Yubiley Azərbaycan Beynəlxalq Ətraf Mühit Sərgisi keçirilir
  • Clock-gray 11:08
  • calendar-gray 13 Noyabr 2019

Noyabrın 13-də Bakı Ekspo Mərkəzində “Caspian Ecology” - 10-cu Yubiley Azərbaycan Beynəlxalq Ətraf Mühit Sərgisi işinə başlayıb.

APA-nın məlumatına görə, sərgi Ekologiya və Təbii Sərvətlər Nazirliyi (ETSN), IDEA İctimai Birliyi, Kiçik və Orta Biznesin İnkişafı Agentliyi tərəfindən dəstəklənir.

"Caspian Ecology” sərgisi ilk dəfə 2010-cu ildə keçirilib. Sərginin ilk günündə Ekologiya və Təbii Sərvətlər nazirinin müavini Firdovsi Əliyev stendlərlə tanış olub.

Sərgidə 10 ölkədən 60 şirkət sənayenin ən son nailiyyət və innovasiyalarını nümayiş etdirirlər. Həmçinin Fövqəladə Hallar Nazirliyi, Azərbaycan Xəzər Dəniz Gəmiçiliyi, “EkoSfera”, IDEA İctimai Birliyi, Naxçıvan Muxtar Respublikası Ekologiya və Təbii Sərvətlər Nazirliyi, SOCAR, BP,  "Coca Cola", "Azərsu", "Təmiz şəhər" ASC və başqa şirkətlər sərgidə öz stendləri ilə iştirak edirlər.  

Bundan başqa, sərgidə istehsalat tullantılarından hazırlanmış sənət əşyaları nümayiş etdirilir. Rəssam Aytən Abdullayevanın köhnə jurnal kəsiklərindən hazırlanmış orijinal rəsm əsərləri, Nəzrin Musayevanın polietilen paketlərdən hazırlanmış pannosu və xüsusi olaraq okeanları çirkləndirən plastik kütlələrdən birdəfəlik istifadə problemini ön plana çəkmək məqsədi ilə Azərbaycan Beynəlxalq Məktəbi “TISA”nın şagirdləri tərəfindən plastik qablardan hazırlanmış 7,5 metrlik nəhəng balina nümayiş olunur.

Qeyd edək ki, sərgi 3 gün davam edəcək.

Digər xəbərlər

Arxiv

date