Sosial

Ana səhifə

Sosial

Diaqnostik qiymətləndirilməsi aparılan müəllimlərin yeni aylıq vəzifə maaşları məlum olub - CƏDVƏL

11 sentyabr 2019 09:52 (UTC +04:00)

Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin yeni aylıq vəzifə maaşları məlum olub.

APA-nın xəbərinə görə, “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin, həmin müəssisələrin direktor və direktor müavinlərinin vəzifə maaşları sxeminin və məbləğlərinin, vəzifə maaşlarına əlavələrin məbləğlərinin təsdiq edilməsi haqqında” Nazirlər Kabinetinin 2016-cı il 11 iyul tarixli 270 nömrəli Qərarında edilmiş dəyişikliyə əsasən, dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin yeni aylıq vəzifə maaşları aşağıdakı kimidir:

№-si	Təhsili	Bir stavka dərs yükü 18 saat olmaqla, aylıq vəzifə maaşı (manatla)
№-si	Təhsili	pedaqoji staj 3 ilə qədər olduqda	pedaqoji staj 3 ildən 8 ilə qədər olduqda	pedaqoji staj 8 ildən 13 ilə qədər olduqda	pedaqoji staj 13 ildən 18 ilə qədər olduqda	pedaqoji staj 18 ildən çox olduqda
1.	Ali təhsilli	460	495	520	555	595
2.	Orta ixtisas təhsilli	420	445	460	490	510

Bu Qərar 2019-cu il sentyabrın 1-dən tətbiq edilir.

Qeyd edək ki, bundan əvvəl dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları belə olub:

Sıra №-si	Təhsili	Bir stavka dərs yükü 18 saat olmaqla, aylıq vəzifə maaşı (manatla)
Sıra №-si	Təhsili	pedaqoji staj 3 ilə qədər olduqda	pedaqoji staj 3 ildən 8 ilə qədər olduqda	pedaqoji staj 8 ildən 13 ilə qədər olduqda	pedaqoji staj 13 ildən 18 ilə qədər olduqda	pedaqoji staj 18 ildən çox olduqda
1.	Ali təhsilli	385	413	435	462	495
2.	Orta ixtisas təhsilli	352	369	385	407	424