"Azərbaycana gəlməmişdən bura haqqında məlumatım var idi, paytaxt Bakı, dininiz, ölkəniz haqqında məlumatlı idim".
APA-nın məlumatına görə, bunu "Cəld barmaqlar" ləqəbli, Ginnesin Rekordlar Kitabına dünyanın ən cəld pianoçusu kimi düşən Peter Bence Bakıda keçirəcəyi konsertlə bağlı təşkil edilən mətbuat konfransında bildirib. O bildirib ki, Azərbaycanın milli yeməklərini çox bəyənib: "Səbirsizliklə yeni yeməklərinizin dadına baxmağı gözləyirəm".
Sabah keçiriləcək konserti barədə danışan Peter Bence konsert zamanı Azərbaycanın əməkdar artisti, tar ifaçısı Şəhriyar İmanovla yeni musiqi ifa edəcəklərini bildirib. O qeyd edib ki, bu musiqidə tar və Azərbaycanın digər milli musiqi alətlərindən istifadə ediləcək.
O qeyd edib ki, öz musiqiləri ilə məşğul olduğu üçün başqa ifaları dinləməyə zamanı qalmır: "Azərbaycanın milli musiqilərinə qulaq asmışam, amma ifaçılarla bağlı məlumatım yoxdur". P.Bence eyni zamanda qeyd edib ki, Əzizə Mustafazadə ilə bağlı daha ətraflı məlumat öyrənəcək.
O eyni zamanda köhnə musiqilərini ifa edəcəyini də deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
