"Almaniyadan ölkəmizə çarter reysi ilə 61 nəfər Azərbaycan Respublikası vətəndaşı evlərinə yola salınıb".
Bu barədə APA-ya Dövlət Miqrasiya Xidmətinin İctimaiyyətlə Əlaqələr Şöbəsinin rəisi Elnur Kələndərov deyib.
O, həmin şəxslərin hamısının evlərinə getdiyini bildirib.
***
11.49
“Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında” Sazişin icrası çərçivəsində 14.11.2019-cu il tarixdə Almaniyadan ölkəmizə çarter reysi ilə 61 nəfər Azərbaycan Respublikası vətəndaşının readmissiyası (geri qaytarılması) həyata keçirilib.
Dövlət Miqrasiya Xidmətindən APA-ya bildirilib ki, onlardan 22 nəfəri kişi, 18 nəfəri qadın, 21 nəfəri uşaqdır.
Readmissiya olunan Azərbaycan vətəndaşları Dövlət Miqrasiya Xidmətinin əməkdaşları tərəfindən qarşılanıb.