Saleh Məmmədov Şəmkirdə vətəndaşları qəbul edəcək

Saleh Məmmədov Şəmkirdə vətəndaşları qəbul edəcək
# 15 noyabr 2019 13:32 (UTC +04:00)

Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov noyabrın 20-də Şəmkir rayonunda, İdarə Heyəti sədrinin müavini Əvəz Qocayev isə Daşkəsən rayonunda vətəndaşları qəbul edəcəklər.

AAYDA-nın İctimaiyyətlə Əlaqələr Şöbəsindən APA-ya verilən məlumata görə, Agentliyinin İdarə Heyətinin sədri Saleh Məmmədovun qəbulu saat 10:00-da Şəmkir şəhərində “Heydər Əliyev Mərkəzi”nin inzibati binasında keçiriləcək. Qəbulda Şəmkir və Gədəbəy rayonlarının sakinləri iştirak edə bilərlər.

Agentliyin İdarə Heyəti sədrinin müavini Əvəz Qocayev isə saat 10:00-da Daşkəsən şəhərində "Heydər Əliyev Mərkəzi"ndə vətəndaşların qəbulunu keçirəcək. Qəbulda yalnız Daşkəsən rayonunun sakinləri iştirak edə bilərlər.

Hər iki qəbul zamanı vətəndaşların avtomobil yolları ilə bağlı müraciətləri dinləniləcək.

Qəbula yazılmaq istəyənlər müvafiq rayonların Yol İstismarı MMC-lərində əvvəlcədən qeydiyyatdan keçə bilərlər.

Qəbullar mərkəzi icra hakimiyyəti orqanları rəhbərlərinin 2019-cu ilin noyabr ayında şəhər və rayonlarda vətəndaşların qəbulu cədvəlinə uyğun olaraq baş tutacaq.

#
#

ƏMƏLİYYAT İCRA OLUNUR