“Küləklə sovrulanlar" flmnin 104 yaşlı “Oskar”lı aktrisası vəfat edib

“Küləklə sovrulanlar" flmnin 104 yaşlı “Oskar”lı aktrisası vəfat edib
  • Clock-gray 20:50
  • calendar-gray 26 İyul 2020

 

1939-cu ildə lentə alınan “Küləklə sovrulanlar” filmində əsas  obrazlardan biri - Melani Hamiltonu canlandıran aktrisa Olivia de Havilland bu gün 104 yaşında vəfat edib.

APA TASS-a istinadən xəbər verir ki, bu barədə “Deadline” internet nəşri məlumat yayıb.

Aktrisa Parisdəki evində dünyasını dəyişib.

Qeyd edək ki, Olivia de Havilland 1916-cı ilin iyulun 1-də Tokioda anadan olub.

Valideynləri ayrıldıqdan sonra “gələcək ulduz” anası və bacısı ilə birlikdə Kaliforniyaya köçüb.

18 yaşına çatanda “Warner Brothers” studiyası ona ilk müqaviləsini təklif edib.

Peşəkar karyerası boyunca de Havilland iki dəfə “Oskar” mükafatına, iki dəfə “Qızıl Qlobus”a layiq görülüb.

 

Mirmehdi Ağaoğlu

Digər xəbərlər