FİDE şahmat üzrə onlayn Olimpiadanın keçiriləcəyini açıqlayıb.
Apasport.az saytının məlumatına görə, ikinci dəfə bu formatda təşkil olunacaq yarışın tarixi və formatı bəlli olub.
Avqustun 13-də start götürəcək Olimpiadaya sentyabrın 15-də yekun vurulacaq. Turnir 4 liqada – Top, 2-ci, 3-cü və 4-cü divizionlarda keçiriləcək.
Azərbaycan yığmasının yer alacağı Top diviziondakı 40 komanda sentyabrın 8-10-da mübarizə aparacaq. Pley-off mərhələsi sentyabrın 13-15-də təşkil ediləcək.
Qeyd edək ki, ötən il 162 ölkədən 163 komandanın iştirakı ilə keçirilən ilk yarışın qalibi Rusiya və Hindistan milliləri olub. Azərbaycan yığması 1/4 finalda Polşaya uduzub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
