Şəhriyar Məmmədyarov iddiaçılar turnirinin XIII turunda qalib gəlib

Şəhriyar Məmmədyarov iddiaçılar turnirinin XIII turunda qalib gəlib
# 26 mart 2018 19:40 (UTC +04:00)

Almaniyanın paytaxtı Berlindəki şahmat üzrə İddiaçılar Turniri davam edir. Apasport.az saytının məlumatına görə, bu gün XIII turun görüşləri keçirilir.

Azərbaycan təmsilçisi Şəhriyar Məmmədyarov rusiyalı Aleksandr Qrişukla qarşılaşıb. “Şah” ağ fiqurlarla oynayıb. Partiya təmsilçimizin qələbəsi ilə yekunlaşıb. Gərgin keçən oyunda rusiyalı 39-cu gedişdə təslim olub.

Bu partiyadakı qələbə ilə ikinci pilləyə yüksələn Şəhriyar qalib gəlmək üçün bütün ümidlərini son tura saxlayıb. Son turda Məmmədyarovun rəqibi Vladimir Kramnik olacaq.

İddiaçılar turniri

XIII tur

Şəhriyar Məmmədyarov (2809, Azərbaycan) - Aleksandr Qrişuk (2767, Rusiya) - 1:0

Uesli So (2799, ABŞ) - Sergey Karyakin (2763, Rusiya) - 0.5:0.5

Fabiano Karuana (2784, ABŞ) - Levon Aronyan (2794, Ermənistan) - 1:0

Liren Dinq (2769, Çin) - Vladimir Kramnik (2800, Rusiya)

Turnir cədvəli: Karuana - 8, Məmmədyarov, Karyakin - 7.5 xal; Qrişuk, Dinq – 6,5; Kramnik, So – 5,5; Aronyan – 4.

#
#

ƏMƏLİYYAT İCRA OLUNUR