Azərbaycanda yeni voleybol komandası yaradılıb.
Bunu APA-ya “Azərreyl” klubunun prezidenti Fərid Xəlilov deyib.
O bildirib ki, 18 yaşlı paytaxt təmsilçisi bundan sonra təkcə qadın komandası ilə kifayətlənməyəcək. Klubun tərkibində kişilərdən ibarət komanda da yaradılıb.
2019/2020 mövsümündə “dəmiryolçular” tək qadınların Super Liqasında deyil, kişilərin Yüksək dəstəsində də mübarizə aparacaq.
“Azərreyl” həmişə olduğu kimi, milliyə voleybolçu yetişdirməyi hədəfləyib. Bu səbəbdən də kişilərdən ibarət komanda əsasən gənclərdən təşkil ediləcək. Artıq kollektivin baş məşqçisi ilə də müqavilə imzalanıb. Yeni mövsümdə “dəmiryolçular” “Lokomotiv”lə uğur qazanmış gənc mütəxəssis Xanlar Ələkbərova həvalə edilib.
Qeyd edək ki, "Azərreyl"in loqosunda da dəyişiklik olub. Komanda 2019/2020 mövsümünə yeni emblemlə başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
