Qadın voleybolçulardan ibarət Azərbaycan milli komandası ölkə xaricində təlim-məşq toplanışı keçəcək.
APA-nın məlumatına görə, 2020-ci ildə keçiriləcək Tokio Yay Olimpiya Oyunlarına lisenziya xarakterli Təsnifat Turnirinə hazırlaşan yığmamız artıq Bolqarıstana yola düşüb.
Covanni Kapraranın yetirmələri daha sonra Rusiya və Türkiyədə də təlim-məşq toplanışında olacaq. Millimiz hazırlıq çərçivəsində Bolqarıstan və Rusiya ilə bir neçə yoxlama matçı da keçirməyi planlaşdırır.
Komandamız turniri qəbul edəcək Braziliyaya isə iyulun 24-də Türkiyədən yollanacaq.
Qeyd edək ki, voleybolçularımız Təsnifat Turnirində ev sahibləri ilə yanaşı, Dominikan Respublikası və Kamerunla qüvvəsini sınayacaq. Qarşılaşmalar avqustun 1-3-də olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
