Azərbaycan millisinin Avropa çempionatı üçün heyəti açıqlanıb

Azərbaycan millisinin Avropa çempionatı üçün heyəti açıqlanıb
  • Clock-gray 10:23
  • calendar-gray 06 Avqust 2019

Qadın voleybolçulardan ibarət Azərbaycan millisinin ilkin heyəti açıqlanıb. 

APA-nın məlumatına görə, baş məşqçi Covanni Kaprara Macarıstan, Polşa, Slovakiya və Türkiyənin birgə ev sahibliyi edəcəyi Avropa çempionatı üçün 23 oyunçuya dəvət göndərib. 

İtaliyalı mütəxəssisin siyahısında yığma karyerasını başa vurduğunu açıqlayan Yana Kulan da yer alıb. Həmçinin Tokio-2020-nin Təsnifat Turnirində komandadan kənar qalan Yekaterina Jidkova da “23-lüy”ə daxil edilib. Sonuncunun Avropa çempionatında oynayacağı əvvəlcədən də istisna deyildi. Bu hücumçularla yanaşı, italiyalı mütəxəssisin Braziliyaya aparmadığı Yuliya Kərimova da düşərgəyə çağırılıb. 

Digər voleybolçulara gəlincə, heyətdə dəyişiklik yoxdur. Təsnifat Turnirində oynayanlarla yanaşı, gənclər də ilkin siyahıda yer alıblar. 


Azərbaycan millisinin heyəti
Toppaylayıcılar:
2. Yana Əzimova, 12. Səmra Qafarova, 14. Kristsina Yaqubova, 18. Şəfaqət Alışanova
Blokçular: 6. Ayşən Abduləzimova, 7. Olena Həsənova, 21. Kseniya Pavlenko, 22. Mariya Kirilyuk, 23. Larisa Smeltsova
Hücumçular: 3. Anastasiya Qurbanova, 4. Nelli Salbişvili, 5. Odina Əliyeva, 8. Yelizaveta Səmədova, 9. Anastasiya Bessonova, 10. Yana Kulan, 11. Yekaterina Jidkova, 15. Nurhan Kazımova, 17. Polina Rəhimova, 20. Marqarita Əzizova, 24. Leysan Lyovkina
Liberolar: 1. Leyla Parşkova, 16. Yuliya Kərimova, 19. Bəyaz Əliyeva

Qeyd edək ki, Azərbaycan millisi avqustun 23-də başlayacaq Avropa çempionatında C qrupunda yer alıb. Voleybolçularımız Macarıstan, Xorvatiya, Hollandiya, Estoniya və Rumıniya ilə üz-üzə gələcəklər. Qrupun oyunları Budapeştdə keçiriləcək. 

apa-logo-mini

Digər xəbərlər

Arxiv

date