Qadın voleybolçular arasında 2020-ci ildə Tokio Yay Olimpiya Oyunlarına lisenziya xarakterli Təsnifat Turnirinə start verilib.
APA-nın məlumatına görə, dörd illiyin ən möhtəşəm yarışında iştirak üçün Azərbaycan yığması da mübarizəyə qoşulub.
İtaliyalı Covanni Kapraranın rəhbərlik etdiyi komanda D qrupunda ilk qarşılaşmasını Dominikan Respublikasının voleybolçularına qarşı keçirib. Matç milli üçün uğursuz alınıb. Təmsilçimiz rəqibinə "quru hesabla" uduzub - 0:3 (15:25, 22:25, 18:25).
Braziliyanın Uberlandiya şəhərində keçirilən D qrupunun digər matçında ev sahibləri Kamerunla üz-üzə gəlib. Görüş "sambaçılar"ın asan qələbəsi ilə yekunlaşıb - 3:0 (25:14, 25:13, 25:16).
Qeyd edək ki, ikinci turda Azərbaycan Braziliya ilə, Kamerun Dominikan Respublikası ilə qarşılaşacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
