Azərbaycan yığması 16 ildən sonra beynəlxalq arenaya qayıdır

Azərbaycan yığması 16 ildən sonra beynəlxalq arenaya qayıdır
# 06 noyabr 2019 11:47 (UTC +04:00)

Həndbol üzrə 18 yaşadək oğlanlar arasında keçiriləcək EHF çempionatının püşkü atılıb.

APA-nın məlumatına görə, 16 illik fasilədən sonra Azərbaycan yığması da qitəmiqyaslı yarışda iştirak edəcək.

Vyanada baş tutan püşkün nəticəsinə əsasən, milli Monteneqroda keçiriləcək çempionatda qüvvəsini sınayacaq. Yığma 8 komandanın mübarizə aparacağı turnirdə Latviya, Lüksemburq və Rumıniya ilə birgə B qrupunda yer alıb. A qrupunda isə ev sahibləri ilə yanaşı, Niderland, Türkiyə və Kosova qüvvəsini sınayacaq.

Matçlar 2020-ci il avqustun 17-23-də olacaq.

Qeyd edək ki, bu yaş qrupunda Azərbaycan yalnız AVRO-2004-in seçmə oyunlarında qüvvəsini sınayıb.

#
#

ƏMƏLİYYAT İCRA OLUNUR