Voleybol üzrə qadınlar arasında Avropa çempionatında 1/8 final mərhələsinin oyunları keçirilir.
APA-nın məlumatına görə, 1/4 finala gedən yolda C qrupunu ikinci kimi bitirən Azərbaycan milli komandası A qrupunun üçüncüsü olan Bolqarıstanla üz-üzə gəlib.
Qarşılaşma Azərbaycan yığması üçün uğursuz başlayıb. İlk seti 12:25 hesabı ilə uduzan voleybolçularımız ikinci hissədə də zəif təsir bağışlayıblar. Bundan istifadə edən bolqarlar fərqi artırıblar - 2:0.
Komandamız üçüncü hissədə özünə gəlsə də, oyunda dönüş yarada bilməyib. İtaliyalı Covanni Kapraranın başçılıq etdiyini milli 0:3 hesabı ilə uduzaraq, Avropa çempionatı ilə vidalaşıb. Bu məğlubiyyət yığmamızın Avropa Olimpiya Təsnifat Turnirinə gedən yolunu da bağlayıb.
Avropa çempionatı
1/8 final
1 sentyabr
20:30. Azərbaycan - Bolqarıstan - 0:3 (12:25, 16:25, 23:25)
Hakimlər: Mixail Temelis (Yunanıstan), Filipp Şürmann (Lixtenşteyn)
Budapeşt. Lasso Pappa adına İdman Arenası
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
