Azərbaycan yığması Türkiyəyə uduzub

Azərbaycan yığması Türkiyəyə uduzub
  • Clock-gray 12:23
  • calendar-gray 22 İyul 2019

Qadın voleybolçulardan ibarət Azərbaycan yığmasının yoxlama matçı keçirib.
 
APA-nın məlumatına görə, İzmirdə təlim-məşq toplanışında olan milli komanda Türkiyə voleybolçuları ilə üz-üzə gəlib. 

Matç “ay-ulduzlular”ın 3:1 hesablı qələbəsi ilə başa çatıb. Bununla da komandamızın İzmir hazırlığı yekunlaşıb. İtaliyalı mütəxəssis Covanni Kapraranın rəhbərlik etdiyi yığma daha 3 gün İstanbulda təlim-məşq toplanışında olacaq.  

Qeyd edək ki, hazırlıq 2020-ci ildə təşkil olunacaq Tokio Yay Olimpiya Oyunlarına lisenziya xarakterli Təsnifat Turnirinə hazırlıq xarakteri daşıyır. Təmsilçimiz Braziliyada baş tutacaq oyunlar üçün daha öncə Bolqarıstan və Rusiyada da təlim-məşq toplanışında olub və sınaq oyunları keçirib. 

Voleybolçularımız iyulun 24-də isə Türkiyədən yarışın baş tutacağı Braziliyaya gedəcək. 

Tahir Hümmətov

Digər xəbərlər

Arxiv

date