Qadın voleybolçular arasında Avropa çempionatı davam edir.
APA-nın məlumatına görə, Azərbaycan millisinin mübarizə apardığı C qrupunun oyunları başa çatıb.
Macarıstanda keçirilən qrup matçlarına meydan sahiblərinin görüşü ilə yekun vurulub. Bütün qarşılaşmalarda quru hesablı qələbə qazanaraq qrup birinciliyini təmin edən Hollandiya ev sahiblərinə də rəhm etməyib. 1/8 finala vəsiqə üçün “narıncılar”ı məğlub etməli olan macarlar üç setdə uduzublar – 0:3 (17:25, 13:25, 15:25).
Bu, Rumıniyaya 4-cü yeri tutaraq 1/8 finala yüksəlmək imkanı verib. Onlar qrupda ilk üç yeri tutan Hollandiya, Azərbaycan və Xorvatiya ilə birlikdə mübarizəni davam etdirəcəklər. Macarıstan isə Estoniya kimi mübarizəni dayandırıb.
Qeyd edək ki, artıq 1/8 finaldakı rəqibləri dəqiqləşib. Hollandiya - Yunanıstan, Azərbaycan - Bolqarıstan cütləri Budapeştdə, Serbiya - Rumıniya, Türkiyə - Xorvatiya oyunları Ankarada, Polşa – İspaniya, Almaniya – Sloveniya matçları Lodzda, Rusiya – Belçika, İtaliya – Slovakiya qarşılaşmaları Bratislavada baş tutacaq. Bütün oyunlar sentyabrın 1-də keçiriləcək.
N |
Ölkə |
O |
Q |
M |
S |
T |
X |
1 |
Hollandiya |
5 |
5 |
0 |
15-0 |
375-251 |
15 |
2 |
Azərbaycan |
5 |
4 |
1 |
12-7 |
426-388 |
10 |
2 |
Xorvatiya |
5 |
3 |
2 |
11-8 |
443-422 |
10 |
4 |
Rumıniya |
5 |
2 |
3 |
7-11 |
386-437 |
6 |
5 |
Macarıstan |
5 |
1 |
4 |
4-12 |
348-379 |
3 |
6 |
Estoniya |
5 |
0 |
5 |
4-15 |
360-461 |
1 |